في دفتر ايامي

في دفتر ايّامي

.

كتبتك فارس احلامي

.

كتبتك حب بليا حدود

.

رسمتك حلم بآلامي

.

خذيتك نور في عيني

.

وصرتاللي وسط قلبي

.

هذاك اللي معذّبني

.

أحسّك جرحي الدّاني

.

حبيبي ليه ماترحم

.

وانا اللي حيل حبيتك

.

وعطيتك حبي السّامي

.

حبيبي ان كان و قصدك

.

تعذّبني بكثر صدّك

.

عليك الله تروح بعيد

.

في بعدك تحلا ايّامي

مملكتنا

مملكتنا مملكة أمن وأمان

.

مملكتنا مملكة حب وسلام

.

مملكتنا فخرنا دار البيان

.

بالشريعه حكمنا وحدّ الحسام

.

أسس الوحده بها رجل الزمان

.

ابو تركي وقادها الى الأمام

.

قادها للعز من عقب الهوان

.

والحروب اللي بها والإنتقام

.

وحّد صفوف القبايل كل مكان

.

في الجزيره كلها وعم النظام

.

خلا الصحراء بها شبه الجنان

.

في تحضّر في تطوّر كل عام

.

والسعودي مايظام ولا يهان

.

كل فردٍ ماخذ حقوقه تمام

.

مملكتنا مملكة سلم وأمان

.

عزّها الله حامي البيت الحرام

منك السموحه

منك السموحه ياغلا واعذريني

.

بالأمس انا أخطيت واليوم ندمان

.

غصبٍ علي اخطيت ماهو بديني

.

ماني ملك معصوم يابنت إنسان

.

تكفين لا تكفين لا تهجريني

.

كل يوم حالي بعد صدّك بنقصان

.

تدرين احبك منزلك وسط عيني

.

وفي القلب لك يابنت الاجواد أوطان

.

اسألك انا بالله لاتذبحيني

.

روفي بحال اللي يحبك من ازمان

.

وان كان ودّك ياحياتي تبيني

.

أقول آسف انا آسف وغلطان

.

بس المهم يانور قلبي تجيني

.

وصلك يريّحني وانا بين الاحزان

أكذب على نفسي

أكذب على نفسي الى قلت مابيك

.

واخادع الواقع الى قلت بنساك

.

وشلون ماحبك وانا ميّتٍ فيك

.

واموت واحيا كل ماحل طرياك

.

ياغايتي وراحتي بين اياديك

.

بالحيل احبك حب أعمى وأهواك

.

ياعمري الباقي وانا كلي افديك

.

أيضاًحياتي كلها اليوم تفداك

.

وان كان غرّك غيري الله يهنيك

.

والله يعوّض قلبي اللي تمنّاك

.

هذا ولا ني ياهوى البال ناسيك

.

بااصبر على فرقاك الى حدّ ماالقاك

مرتاح هذي صراحه

مـرتاح هذي صــراحــه

.......... مرتـــاح ماقـد شكيت

الحب ويّــــــاك راحــــه

.......... ياعـــــزّ منهـم فديت

ياوجه زايد سـمــــاحـه

.......... ماظـنّ مـثــلـك رأيـت

الليـــل انت وصـبــاحـه

.......... عــنك أبـد ماسـلـيـت

أكثر في قلبي جـــراحـه

.......... راضـــي أنا ماجـنيت

محــــال لا واسـتـبــاحه

.......... أنساك لا مـــــانويت

أيضاً ولا ابـي استراحه

.......... عـذّب اكـثـر لو بغيت

في الحب تجيد السباحه

.......... انت الغـــلا ماحـيـيت

مرتــاح انا ذي صراحه

.......... حــبٍ بـلـيـّــــاك ميت

مثل الورد

مثل الورد في حبك

.

اموت من العطش واذبل

.

الى من غبت عن عيني

.

عليك الله وامان الله

.

مابيك تصد أو ترحل

.

دخيلك لاتخليني

.

تعال اسكن وسط قلبي

.

انا فقربك ترى مامل

.

وجودك يمّي يحييني

.

أبي لااشتقت انا لشوفك

.

بلاش اني اروح اسأل

.

أحسّك في شراييني

.

أنا مالي غنا عنّك

.

ولا لي غيرك احدٍ خلّ

.

تموت فبعدك سنيني

.

أبيك تظل هنا جالس

.

وكل ليله عليا يطل

.

هلالك مايجافيني

.

عشانك غاليٍ بالحيل

.

انا والله مااتمهزل

.

ترى فيني اللي كافيني

.

أبي قربك فقط لاغير

.

حبيبي قل لي وش هو الحل

.

عطيتك كل عناويني

.

اذا موافق تعال اليوم

.

انا ناطرك بس تقبل

.

واحط ايديك في يديني

.

واعيش العمر في أفراح

.

يامن أفراحي بك تكمل

.

ياأغلى كل محبيني

.

واذا ماانته مصدقني

.

بقول لك كلمه ياعمري ؟

.

وامانه بس لا تزعل

.

أحبك .. وانت مشقيني

ماازعل عليك

.

ان كان جرح القلب يشفي غليلك

.

إجرح وعذّب واكثرالحزن فيني

.

مادام جرحي من همومك يشيلك

.

خذ راحتك سوّ ماتبي اليوم فيني

.

ماازعل عليك ولا أدوّر بديلك

.

تبقى الحبيب ومنزلك وسط عيني

.

لااشتقت انا لك في عيوني أجيلك

.

ولا نمت اشوفك حلم دايم يجيني

.

الا الهجر يانور عيني دخيلك

.

مابي تموت بطول هجرك سنيني

.

خل الوصل أرجوك لجلي دليلك

.

يحلا بوصلك كل حلوٍ وشيني

.

ياصاحبي في الحب كمّل جميلك

.

خلّك معي تبيني او ماتبيني

يالطيفه

هذه القصيده كتبتها لبنتي . لطيفه .

وأرجو أن تنال قصيدتي على رضاكم ولكم تحياتي وتقديري .

يالطيفه يابعد حيي وميتي

.
ياضياء عيني ويَا الصّدر الحنون

.
انتي انتي مثل ماكنتي بقيتي
.

حب غالي وكل غالي عنك دون
.

والله انّك ويّا روحي استويتي
.

واقسم بالله والعباد يشهدون
.

مانسيتك حتى لو انتي نسيتي
.

الا حبّك كل شي عندي يهون
.

والله اني لجل عينك ماحييتي
.

لااسعدك من كل شكل وكل لون
.

لاتقولي انسى حبك لابطيتي
.

كيف انسى حب نازل في العيون