كثير اللي تمنوني

كثير اللي . تمنوني

وقلبي / مايبي غيـرك

[ يحبك ] أنت يالغالي

ولا حبّك أحد كثره

ــ

[ و ] حياتي كلها قصه . حزينه

بفن تصويرك

بدايتها ألم صدفه

كتبها الحب من نظره

ــ

حياتي اصبحت كلمه

ترتبها تجي [ طيرك ]

عساك تحس في قلبي

قبل / لاينتهي أمره

ــ

ترى مل الصبر مني

وزاد اليوم تبريرك

حرام تزيد فاحزاني

وتكسر فيني / العبره

ذيب ياللي مالقينا له خلف

هذه القصيده قلتها في الشاعر ذيب القباني السهلي الله يرحمه ويسكنه فسيح جنانه إن شاء الله

/

/

ذيـب يـالـلي مـالـقـيـنـا لـك خــلـف

مالـقــيــنــا من يـشـابـهــك الـفـعـل

ذيب يـاللي راحـت اشـبـاهـك تـلـف

أشـهـد ان مـوتـتـك أفـنت كل رجــل

الـمـروّه فـعـل مـاضـي قــد ســلــف

والـكـرم والـجـود من عـقبك سـمـل

الرجــــال كـْـثــار لـكـن تـخـتـلـف

بالـمـراجــل / والـرزانـه / والعـقـل

ذيب / من هـو غـيـرك اللي يتـّصف

بالأمـانـه / والـشكاله / والـنـُّبــــل

مـابـه احـدٍ / لك شـبـيـهٍ / لـلأسـف

كود بـيـرق رفـرف بـراس الجـبــــل

إحـتـرامـاً لـك وتـقـــــــديـراً / أقـف

يـارفـيــع الشـّـــان عـنــدي لم تـَزَل

تصميم / مثل الورد

مثل الوَرد في حبك / ...أموت من العَطَش واذبل
إلى من غبت عن عيني
/
عليك الله . . وامان الله
مابيك تْصد أو ترحل . . أمانه لاتخلّيني

الا ياقلبي المغرم

عـلامـك ياخـفـوقي لابغـيت انسى الـذي عـذ ّبـك تعـصـيـني

عـلامـك بـاقـي تحـبـه / وتـنـبـض به / وجرحـك باقي ٍ دامـي

عـلامـك يـاخـفـوقي ماتــبـي تـسـمـع كلامي فـيه / يكفـيني

سـهـر لـيـــــل / وغـرابـيـل / وشــقا / وجــروح / وآلامــي

عـلامـك ماكفاك الـهـم ولا جـروحـك ولا حـزن ٍ سـكـن فيني

انا من زود مـافـيـني / سبب عـشـقك / اصـارع قـسوة ايّامي

الا ياقلبي المغــرم سـبـب عـشـقـك عـيـون الكـون تـبـكـيني

سبب عـشـقـك انـا أبـكـي / انا اتألّم / واشـوف الموت قدّامي

انا العاشق / انا اللي من سهام الهـم زماني صـار يـرمـيـني

وسبب عـشـقـك على لحن الفراق أعزف وتتشرّد بي احـلامي

الا ليتك تطاوعني وتريّحني قبل يقسى زمان الحب وينهيني

وتتبدّل حياة اللي سبب عشقك أسير [ ف ] سجن الاوهامي

على كف الحزن أمشي

عـلى كف الحـزن أمشي وهـمّي صـار يتـبعـني

يخــاويـنـي عـلـى دربـك الـيـن الـقـــاك قـدّامي

انــا مـدري مـتـى قـلـبـك بـيـهــوانـي ويـرفعني

وتـداريـني / وتـدللـنـي / وتـتبـسّـم لي ايّـامي

وتتـفـتـّح ورود الحب واسـولف لك وتسمـعـني

واحس الكون صافي لي ويبرى جرحي الدّامي

وأهـنـا بـك بـعـد فـتـره بـهـا أصـبـحـت قاطعني

وانا بـاقـي على عهدك واشـوفك دوم باحلامي

الا لـيـتـك بـعـد أذنـك ولـو لحـــظه تـطـالـعـنـي

لـعـل تـحـس فـي جـرحي / وآهــاتي / وآلامي

الا لـيـتـك تـجـي يـمّي الا لـيـتـك تـطـــاوعـنـي

تـبـادلـنـي الـغــلا سـاعه تريّحـني من اوهـامي

الا لـيـت الـزمـن يـرجـع وراه وفـيـك يجـمعـني

وتـتـحـقـق لـي احـلامي واشوفـك صدق قدّامي

بعض النساء

بعض النساء نسـوان مثـل الخـلاوي

وبعض النساء عنـّك يشيلن الاحـزان

الاولــــه هــم ٍ وحـــــزن وشــقــاوي

صـجـّـاجـه لـجّـاجـه لـهـا طـولة لسان

لاجـيـت بـيـتـك كـنـّـك بـوسط شاوي

وخصوص الى من جيت للبيت تعبان

لا من غــداء تـعـمـل ولا مـن قهاوي

عـلـيـك دايـم تـدّعـي بـكـل نـقـصـــان

هـمـهـا تـجـيـب الـهــم من كل ماوي

في الليل جنّيه وفي الصـبـح شـيطان

لاشـفـتـهـا كـنـهـا الـقـَهـَر والبـلاوي

عـلـيـك تـفـتـح للمـصـيـبات بيبــــان

والثــانـيـه كـنـهـا الطـبـيـب المداوي

لاسـولفـت تطـرب سـواليـفها الحـان

والى اقـبـلـت كـنـها قـمر ليل ضاوي

تـفـرحـك بالـطــله على كل الاحـيــان

بها الحـسـن والـزّين فـيـها متساوي

متـمـيّـزه كـنـهـا مـهـا بـيـن غـــزلان

يجي منك أكثر

يـاصـاحـبـي اتـسـاءل شْـلـون يـقـْدَر

يـدعـيـك قـلـبـك تـجــرح اللي يـودّك

شـتـتـنـي واحـتـرت كـيـف اتـصـــوّر

أحـط نـفـسـي فـي مـكـانـك واضــدّك

قـبـل امـس لامـنـّـك خَـطـيـت اتـّعَـذ ّر

والـيـوم اشـوفـه زايـد الـكـره حـــدّك

بـ اسـألك انـا بـالله / شـاللـي تـغـيـّـر

بـدّلـت وصـلـك يـاحـبـيـبـي بـصــدّك

خـلـّيت دمعي وسط عـيني يْـتـكـَسـّـر

جـرحـتـنـي جــرح ٍ خـطـيـر ٍ بـيَـــدّك

دامـي بـوسـط الـقـلـب كل يـوم يكبـر

وارخـصـت حـبّـي بـيّـن اليـوم جــدّك

مشـكـور يـالـغـالـي يـجـي منـك أكثـر

ماكـنـت اظـنـك تـجـــرح اللي يــودّك

بليا احساس محبوبي

يقول اللي هـوى بـاله ذبح قـلبه بليـا سـلاح

بليـا احساس محبوبي / أحبه وهـو ناسيني

حبيبي زاد في همّي وزوّد في حشاي جـراح

وانا اللي حيل حبّيته وهـو بصـدّه مجـازيني

احبه لي ثـمان سنين انا اشهد الهـوى ذبّـاح

ذبح قـلبي هوى خلّي وضاعت لجـله سنيني

عطيته قلبي وحبي وخـلاّ لي الشـقا وارتـاح

ينام الليـل يـهـنـا به ونـومي تطـرده عـيـني

سحر قلبي واخـذ عقلي ودونه دنيتي أشباح

حبيبي في المـلا محـدٍ سـواه اللي يسلـّـيـني

قولو له ياملا يكـفي كـفاني عمري اللي راح

حـرام يـزيـد في هـمّي يجـيـني لا يـخـلـّيـني

أعـيـش فـدنيتي دونه كما طير ٍ كسير جناح

تراني مااحـتـمـل صـدّه ونـار البعـد تكـويني

لاتعاتبني دخيلك

لاتـجـيـنـي لاتشـرّه .. لا تـعاتـبـني دخـيــلـك

لاتعاتـب مايـفـيـدك كل [ ابو ] هـذا العـتـاب

كنت أوّل حب عـنـدي / كان قلبي . ينتمي لك

كنت أوّل من سَألـْك ومالـقـى عـنـدك جــواب

كنت غالي حيل عـنـدي / تزهَم لْقلبي يجـيـلك

كنت اموت اليا زَعلت وجبت لي سيرة غياب

كنت اشارك معك حزْنِك كنت في فرْحِك عديلك

كنت نور العين عندي / كنت لي حلم الشباب

مير حـبّـك انـتها بي وانـتهـت قـصّة رحـيـلـك

انـتـهـت رحــــلة غــرام ٍ كل مـافـيـهـا عَـذاب

لاتـظـن انـي ذلـيـل ٍ بــاقـي ٍ عــابـر سـبـيـلـك

قـلـبي اللي جـنّ لجـلك صـام عـن حبـك وتاب

انتـهـيـت من حـيـــاتي ابـتـعـد عـنّي دخـيـلـك

صرت عندي انسان عادي دون حبّات التـّراب

تمهّل قبل لاتبعد

تمهّل قبل لاتبعد .. وخذ حزنـك معك ياصاح

وخذ هـمّـك وخذ جرحـك وخذ كل التعـب مني

تعبت اكذب على نفسي واقول اني انا مرتاح

واقول ان الأمل بــاقي وانا ماعـشـت متهنـّي

تعبت اقول انا طيّب / وانا قـلبي كثير جراح

ترى ماعدت أتحـمّـل أجـيـك وتـبـتـعـد عـنـي

ماأنكر ان لنا ايّام ٍ قضيناها .. حزن وافراح

ولا أنـكـر ابـد أنـك تجـيـنـي بـشـوق متعنـّـي

ولكن مايـفـيـد الحـب وقـلبـك نـاكـر ٍ مـاراح

تناسيت الـذي لجـلـك يـجـر الصّـوت ويغنـّي

تناسيت الذي حبك وحزنـك قـد كساه وطـاح

وعلى هامش بقايا الحب اخذته حب متـدنّي

تمهّـل قـبـل لاتـبـعـد وحـررنـي أبـي أرتــاح

اخذ همّك واخذ جرحك واخذ كل الحزن منّي

رغم جورالحزن فيني

رغـم جـور الحـزن فـيني / ماشكيت

ورغم جرحي / مااذكر عيوني بكت

لجـل اشوفه / في عــذابه لي رضيت

وقـلبي اللي صاح من عـقـبـه سكت

ماندمت و/ صابــــر و ماقـلـت / ليت

اغـلـق افـواه المــواجـع / لااشـتكت

ماجـا يــوم ٍ لجـــــل نـسـيـانـه نـويـت

نـيـّـتـي / لامن طـرا لـي / ابـركـت

والله انـــي فـي غــرامـــه مـاارتــويت

وكل هـمـومـي وسط قلبي / تْشابكت

ولـو اسـولـف حـدّ بـكــره ماانـتـهـيـت

ولـو / هـمومي تعرف تسولف حكت

صـدّقـــونـي صـِـدق واللـه مـاحَـكـيـت

رغمها لي [ ف ] حبها غيري اشْركَت

ورغـم جـور الحــزن فـيـني ماشـكيـت

ورغم جـرحـي مااذكـر عـيـوني بكت

حبيبي لايهمّونك

حـبـيـبـي لايهـمّـونك / أنا ماعيش من دونك

تـراني حـيـل مجنـونـك / حـيـاتي كلها تفداك

انا كلي فــدا عـيـنـك / وانـا دايـم عـلـى دينك

واعادي كل معادينك / وْأهوى كل من يهواك

حبيبي أنت والـغـالي / حـيـاتي وكل آمــالـي

ولا غيرك على بالي / ولا اقـدر للأبـد أنساك

اسمع صدا قلبي

هذا الشعر / نبض ٍ على الطرس مصفوف

يـاتـي كـذا , قصّه / [ ب ] أجـمـل معـاني

مـرّه يـجـي راحـه / ومرّه يـجـي خـــوف

ومـرّه يـجـــيـنـي عـانــي ٍ فـي مـكـــــانـي

يـاصـاحـبـي تـعـال واسـمع هـنـا وشــوف

اسـمـع صـدا قـلـبـي بـوسـط الـمـحــــانـي

دقــّــات قـــلـبـي كـنـها [ لـمـّـة حــروف ]

تـشـكـّـلـت منها قـصـيـده [ ف ] ثـــواني

يـاصـاحـبـي مـلـّـيت انا كلمة [ ظــروف ]

مـايـوم حـسّـيـتـك أبــد فـي زمـــــــــــاني

من يوم شـفـتـك واصـبـح القـلب ملهــوف

ميّـت عَـطـَـش محـروم شوفك / يـعـــانـي

يـالـيـت قـلـبــك يـوم مـن عـمـرك يـــروف

يـنـهـي مـعــــانــــاتـي وكل الأمـــــــانــي

ونـبـــدا هـــوانــا دون أعـــذار وحــلـــوف

دام الـمـحـبـه فـي الـنـّــواظــر تــبــــــاني

نحلم ونرســم للهوى وجـيـه و [ طيوف ]

ونـلــــــوّن احــــلام الـهـــوى بـالأغــانـي

يـاصـاحـبـي يـامــاخـــذ العــقـل والشّـوف

يـامـاخـذٍ فـي [ وسـط ] قـلـبـي مـكـــانـي

لـيـتـك تـجـيـنـي تـبـصـر عـيـون مكفـوف

واعـيـش مـعـك الـحـب أجـمــل مـعـــــاني

أتحدّاك

أبعد ورح عني وانا بـتــبع خْـطـاك

ماملّ / اليـن تـْمِـل مـاتـصـدّ عـنـّي

إزعـل وكل يـوم ٍ وانا بطلب رْضاك

لجـلك انـا بـقـضـي العـمـر بالتمنّي

خلني هنا وابعـد ورح عـني هـنـاك

أبي يزيـد الشّـوق لك واسـتـجـنـّـي

وابي احسّـك قـبـل لاتغـيب وانساك

ويـمـوت حـبٍ لك كـبـيـر ٍ ســكـنـّي

حبٍ بليا احساس كل دربه اشـواك

والصّمت موطـن للـمـلل والتــدنـّي

يانور عيني شاغب الروح بجفاك

غيّر حماس الحـب / عيش مْتهنـّي

اقـطـع جـوابـاتـك وكـسّـر هـداياك

واجـرح مشاعر من يحبك / بـفـني

حـنـّا حـبـايب مايجـي بـيـنـنـا ذاك

ولنـّك حـبـيبي . ياحبيبي . ولـنـّي

أحـب مـوتـي لـنّ مـوتـي محـيّـاك

واحـب اديـــك اللي بـها تجـرحـنـّي

تغيب عنـّي سـاعـتـيـن ؟ اتـحـدّاك

مثـل الحـيــاه والـمــاء كنـّك وكنـّي

ولنّي أحبك واعشقك حيـل واهواك

ولنـّـك ولا مرّه معـك خـــاب ظـنـّي

لاغبت عنـّي بامتـطي خـيل ذكراك

واسـابـق اشـواقي واجـيـك مْتعنـّي

كـذا الهـوى له طـعـم يـازين ويّـاك

أحـلـى ليــال العـمـر لازْعِـلـت منـّي

اكثر زَعَـلـْك وخلني اموت واحـياك

مرتـاح اهـل الـدمـع واسهـر واونـّي

واكتب قـصـايـد فـيـك لك واتغـنـّاك

وارسـمـك في عـيني الى غبت عنّي

الى متى

الـى مـتـى / يـانـــور عـيـني بـنـتـظـــر

وانـا كــذا / لامـوت لـي ولا / حـيـــــاه

مشتاق لك / لاحـس ولاعـنـّـك / خـبـر

ملني الصّبر / تـُرى , بعادك وش وراه

بـاقـي أمــل / انـا اسْـألِك ؟ عنـدك عذر

أيّـة عـِــــذر / تـعـبـت انـا مـن كـثــر آه

ارجـع لـقـلـبي / خـلـنا نبدى من الصفر

خـلـنــا نـعـيـش الحـب / من كل اتـجـاه

لاتـنـتـظـر بـكـره يـمـر / كــافـي صَـبـر

كافي هـجــر / مـاجــا لـقـلـبـي قـد كفاه

كافي سهر / نـظـم شـعـر / جـف الحبر

يكفي عنا / خل الهنا / تـمـطـر سـمـاه

محتــاج لك / جـيـتـك مع دروب القـهــر

جـيـتـك غــلا ارحــم مـحـبٍ فـيـك تـــاه

راحت سنه من عمرنا وانا هنا لك انتظر

زولك يـمـر / يـانـبـض قـلـبي والحـياه

أحلى علاقه

ِ:[ مدخل ..

الـمـوت شـفـته يـامــلا / فـي عـيـــونـهـا

كـنـهـا الـقـمـر / الـى اكـتـمـل بـين الهدب

مـن يـوم شـفـت عـيـونـهـا مـن دونـــهـا

صـــارت حـيــاتـي / كـلـبــوهـا فـي تـعـب

~

أوّل بــــدايـة حـبــنـا / فـتــحـة البــــــاب

وكلمة هـلا / عـربـون حب / وصـداقـه

ثم نظرةٍ / معـهـا ابـتـسامه / وإعـجــاب

خــلالـــهـا / كـوّنـت / أحـلـى عـــلاقـه

حـبـّـيـتـهـا / ظـمّـيـتـها / بيــن الاهـداب

واهـديـتـهـا / من صـادق الـودّ / بـاقـه

علـّمـتها / حبي لــهـا / بـخـلـــق وآداب

مـاشـاء الله عـلـيـك / وش ذا الأنـــاقـه

مني استحت / وتمتمت / كيف ؟ أحـبـاب

والحـب قــالــو عـنـه [ مـر ٍ مـذاقــه ]

وْقـلـت احـبـك / حـب أعـمـى / وكــذ ّاب

مـرّه احـبــــــك مــوت / مـره اعـشـاقه

يـعـنـي يـحـبــك / خـافـقـي / حدّ مــاذاب

مـن زود حــبّـــك زاد فـيـه احـتـــــراقـه

قالت / وش اللي امنعك / ترسـل كـْـتـاب

خـــلاله / تـبـيـّـن غــــــلاك / بـلـبـاقه

قـلـت السـبـب / يابنت احبك / ومرتــاب

خـايـف أبـيـّـن /وارتـكـب لـي / حماقه

قالت / وجـيت ؟ وقـلـت اخذي بالاسـبـاب

تعبت / مافـيـني على الصّبر / طـــاقه

واكبر بلا / يـابـنـت .. مـظـهــرك جـذ ّاب

تلّ الخـفـوق / وجيت لك / بانـطـلاقـه

فتحت لك صـــدري /وخـصـصـت لك بــاب

مسـمـوح لك /عندك حصانه / وبطاقه

ودي نعيش احـبـــاب / ونــمــوت / أحباب

والحب / يبـقى / والغـلا , والصـداقـه

~

... مخرج ]:

يـعــنـي أنــا مـجــنــونــهـا / مـجـنــونــهــا

مجنـــــونها / مـجـنـــونـهـا طيـب وغـصـب

هــذي حـقـيـقـه قـلـتــهـا / بـمـضـمــونــهـا

والكـــذب خـيـبـه / وانــا مـــالـي بـالـكـــذب

كلي فداء عينك

يـاصـاحـبـي كان الـجـفـا مـنـك / بـيـفيـد

إبـعـد / وطـوّل / يـاحـلــو فـي غـيــابـك

أبـعــد / وخـل الشـوق فـيـنـي لك / يزيد

اقـسـى عـلـيّ / وزيــد قـلـبـي / عـذابــك

لاتـسـتـحـي / خـذ راحـتـك / وابعـد بعيد

ريّـح خـفـوق ٍ ســاعـةٍ / ما اهـتـنـا بــك

كلّي فـداء عـيـنـك / عـلـى حسب ماتـريد

ماازعل عليك / ولا اقفل [ ف] يوم بابك

مـادام فـي ذا راحــتـــي / وانت لك عــيـد

ودّي اشوف الشّـوق / وشلون جـابـــك

أوّاه

يـازيــن / من غـيـرك انـا مـيّـتٍ فــيـه

ومن هو الــذي دايــم أدوّر عـلـى / رضــاه

انت الحـبـيـب اللـي / أودّه / وأغـلـيـه

وامــوت فـي حـبـه / واعـشـقه / وأهــواه

مافـيـه غيرك / في المخاليق / ياهـيـه

سهمه تـمـكّـن / فـي خـفـــوقـي / وأدماه

مافـيـه غـيرك / كل ذالحـب / أعـطـيـه

يـامـر / وينـهي / يـطـلـب اللي يْـتـمـنـّاه

مافـيـه غيرك / يجرح القلب / يـدمـيـه

يـغـرق عـيـونـي بـالـمـدامع / من جْـفـاه

شـفـنـي حـزيـن / وقلبي / الهم طاويه

أوّاه / أقـضـي تــــالــي اللــيـــــل / أوّاه

لانمت ساعه / شـفت زولك / وانـاديـه

واجـيـه / لـكـن يـبـتـعدني / ولا الـقــاه

والى صحيت / وشـفت انا حولي وجيه

أشــوفـهـم من زود حبّـك / لك اشــبـاه

خذت العقل / والقـلـب سمّيت / بـاقـيـه

ذبحـتــنــي بالصّدّ / والصّدّ / مااقـــواه

كن العمر / ويّــاي / شــرّف لـتـــالـيــه

ميّـت كـلا الـوجـهـيـن / ويـلاه / ويـلاه

صابر واحبك / والخطا / منـك امشـّـيـه

انـت الـوحـيــد /اللـي أنـا أدمـح خْـطــاه

وغيرك من العالم / الى اخطا / أجـازيه

والى ابـتـعــد عـنـي / دقـايق / وأنساه

غـيـرك أحـبـه / ســـاعـةٍ / ثــم أرمـيــه

لحـظـة زمـن / أتـبــادل الحـب / ويّـاه

والا انت / يــبــقا بـي غــلاك / وأداريـه

واخفيه في صدري / عن النّاس / تدراه

تـبـقـا / الحبـيـب اللي / أودّه / وأغـليـه

وانت الـذي / دايـم أدوّر / عـلى رضاه

بقايا ألم

؟

شفت الموت / يترنّح / وينظـر لي / وجـاني المـوت

وانا مصدّق / ولا مْصدّق / شبيه الموت / ينظر لي

جلس يهمس / مع جاره / وانا جالس بوجه الصّوت

وسمعت اللي هـمـس عـني / لأن الصّوت ياصــل لي

أحس الدنـيـا مبـتـسـمه , ومـلـيـانه فـَرَح ألــوان

أحس انها إلى شفتك , تـزين الـدنـيـا / في عـيني

واحس الهم الى شفتك .. يذوب بداخل الـوجـدان

سواة النّور , لي وصلك.. يشق الظلمه , يحييني

والى من غبت عن عيني , أحس بـداخـلي نـيران

أحـس انـي مع العــالــم , ولـكـن أنت معــمـيـــنـي

أشوف النّاس في رسمك , وانــادي لك أنا تعـبـان

أنــا تـعـبــان يـاخــلـي / أمــانـه لا ... تـخـلـّـيـنـي

أبيك تكـون في قـلـبي / ولا ترحـل / مع الـنسـيان

أبي لااشتقت / أنا لشوفـك / أحسّك / في شراييني

ياروح الرّوح / ريّحني / تعب قلبي / من الأحزان

ترى دونـك / كثـيـرالهـم / متعّـبـني / ومشـقـيـني

دخيلك / ياأمل عمري / ولا تقطع / رجــا الحيران

أنا مالي سـواك احدٍ / ولجـلك / ضاعـن سْـنـيـنـي

تـعـال وخـلّ هـالدنيا / تـْـزَيّن / بالفــرَح / ألــوان

احس اني / الى شفتك / تزين الدّنيا / في عـيـنـي

,,,,,,,,,,

عشر سْـنواتٍ كـنـّها في العيـن / ساعه

ماامتلت عيني نظر ,, وْلا ارتوَت / دمع ٍ يسيل

ضاع عمري , في هواه / حزن وقطاعه

وصـارت ايّـامي / يـتـيـمه / كلها ليـل ٍ في ليـل

,,,,,,,,,,

محتارك

حبيبتي / طــالت الغـيـبـه / وزادت قـسوة اقـدارك

ثلاث سنين من عمري / في هم ٍ/ عشتها دونــك

تعالي / واسكني فيني / هـنـا قـلـبـي / وهـو دارك

هنــا نبضك / مع روحي / بوسط انسان مفتونك

حـــرام انـّـك تخـلـّيـنـي / ولا تاصلـنـي / اخــبارك

انا مشتاق أسـمـع لك / واحط عـيـوني بعـيونـك

انا مااقــوى على صــدّك / ولا هـمـّـك / ولا نــارك

ترى شوفتك تسعدني / على هونك / على هونـك

ترى يكفي ثلاث سْنين / ولا اشوفك / وانا جـــارك

ولا مرّه / ولو صدفه / تعـب قـلـبي من احـزونـك

أنا ماكـنـت متـوقـّع / بـتـسـقـيـني / من امـــــرارك

ولا مرّت علـى بالي بصيــر اليــوم / مــجـنــونـك

حـبـيـبـتـي / يـابـعــد كلـي / أنـا والله محـتـــــــارك

يحـبـّـك كل مافـيـني / وعــــادي / مايهـمــّــونـك

بقولك كلمه / سمعيها / وقـوليــهـا / مع اشـعــارك

يجي لك يوم / وتجيني / تعض بهامك اسـنـونــك

اذا قـلبـك كذا ميّـت / وانــا صـفـر ٍ / على يـســـارك

تراي اليوم انا قادر / أعيش العــمـر / من دونـــك

بدا حزني

[ 1 ]

في سجن همّك لي ثمان سنين

وحيدٍ .. جالس لْحالي / تسَلّي القلب [ أحزانه ]

بعد صدّك / بعد هجرك

بعد مالخافي .. بدا ليْ يْبين

بدا حزني وسط قلبي / يشيد اليوم بنيانه

[ 2 ]

ألا ياحبّي [ الأوّل ] / ألا يامن نزلت العين

الا ياماخذٍ قلبي .. ونفسي منك تعبانه

علامك غايبٍ عنّي

من اوّل ماالتقينا هناك .. الين الحين

عسى ماشرّ يالغالي .. دليل الوجه عنوانه

[ 3 ]

تعال وقدّم اعذارك ....!

وقلّي وجهتك / لاوين ؟

وانا بعطيك من قلبي .. ولو شيٍ من [ احزانه ]

ورح عنّي مع حزنك

للعل تحن لي بعدين .. وترجع لي وتتأسّف

تقول العين عطشانه ..!

[ 4 ]

تبي تروي ظما عينك

وانا اللي ماارتوت لي عين

يمر طيفك وسط عيني

وتعاف النّوم / سهرانه

ألا ياصاح صدّقني .. تراني حالفٍ وذا دين

لخلي [ قلبك القاسي ]

يضيّع / وين .. أوطانه ... الشاعر العصامي

أتعجّب

ماجرحني ياحبيبي غير ايـديــك

وماذبحني في المــلا أحـدٍ سواك

أنـت يـاللي مـيّـتٍ قـلـبي عـليــك

أتعجّب كيف قـلـبـك ماعـصــــاك

واتعجّب كيـف تـذبـحــنـي وابيك

كيف تذبح في المحبه من بغـــاك

واتعجّب كيــف تـبـعـدنـي إلـيـــك

وكيـف تـبـعـد ماخـذٍ قـلـبـي معاك

ياحـبـيـبـي ياعـسى ربي يهَـديــك

ليه تحــرم عـيـن تـسـكنـها غفاك

عـيـن ودهـا كل يـوم ٍ تـرتـويــــك

من ثــلاث ايّـــام متعـبـهـا جـفــاك

تـهـت ابـيـك / وتاه قلبي / لايبيك

كل هــذا يــاحـبـيـبـي وماكـفـــــاك

كان ودّك تخـتـبـــرنـي / ماعلـيـك

الله اعـلـم / وش كثر عندي غــلاك

ذا فــؤادي وافـتـحـــه انت بـيــديك

واقـرا اللي داخــله شـي ٍ خـفــــاك

ماتـصـدّق وش كـثـرنـي مـمتـليـك

وانـّـك انت مالك فــوادي مــــــلاك

ياحبيبي / لا تـجـرّحـني بـحـكـيــك

ارحم اللي / رغم صدّك .. مانساك

ذي حـقـيـقـه / مـاني العـبها عليك

ماهـويت من المـلا / أحـدٍ ســـواك

؟

وطن بارد

لا احـسـاس عـنـدك / لامـشـاعـر / ولا حب

طـبـعـك كـذا / مـن يـوم انـا مـاعـرفـتـك

يـعــنـي بـشــر مـيّـت / ولا تـعــرف الـحــب

قـلـبـك وطـن بـارد مـثــل مـاوصـفـتـــك

؟

مرحبا باللي لفانا

أنثر بين أيديكم هذه القصيدة التي تحمل عنوان [ مرحبا باللي لفانا ] .
.

وهي قصيده كتبتها ترحيباً بالشاعر فلاح بن صالح السهلي .

.

صاحب موقع منبر قبيلة السهول .. أترككم مع القصيده .
.

.

.
مرحبا باللي لفـــانا
.
.......... واستـرحنا في مردّه
.
العزيـز اللي معــانـا
.
.......... لــو مـسافــاته تـردّه
.
نوّرت شمسه سمانا
.
.......... ياهــلا بــاللي نــودّه
.
له غلا يشبه غـــلانا
.
.......... واحـــدٍ مــنـّـا نـعـــدّه
.
راح عــنـّـا والا جانا
.
.......... مايـجــي يـوم ٍ نضدّه
.
له حـشـيمه له مكانه
.
.......... له مـعـــزّه له مـــودّه
.
مـرحـبــا باللي لفـانا
.
.......... جــــا ولا شـي ٍ يـردّه

.

العـزيــز اللـي مـعـانا

.

.......... لــو مـسـافـاتـه تـردّه

سموّ ابداع

.
شـهـاده يـاحروف انتي
.
.......... ســواة السّــيــل أو أكثر
.
سـواة النجـمه لاغـنـّـت
.
.......... تتـل قـلــوبـنـا وتـسْـحَـر
.
صنعتي للشـعـر فـكــره
.
.......... وصارت بصـمـتـك أكبـر
.
شهادة حـق واعـلـنـهـا
.
.......... واقول الشعــر بك يفخـَـر
.
لأنـــك كلـمـه ومـعـنـى
.
.......... ونبض احساســك مصَوّر
.
كـذا أنـتـــي عــرفــنـاك ِ
.
.......... سـمــوّ ابــــداع ماتـْغـيـّـر
.
سَـلام لِك جَـــزل مــنـّي
.
.......... بـريـح المـسك ومْعـَـطـّـر

.

وصـلى الله على محـمـد

.

.......... عْــداد ماالسماء تـْـمـطِـر

العَفو يانور عيني

أعزائي زوّار مدونتي الكرام ,,

كتبت هذه القصيدة في هذا اليوم السبت , الموافق 22 ـ 6 ـ 1431هـ وأتمنى أن تقبلوها وتنال على رضاكم ,,,

اخوكم الشاعر العصامي . تحياتي

العـفـو يـانـور عـيـنـي عـنـد وقـت المقــدره

اعذريني ياحـيـاتي واسـمـحــي لي زلـّـتي

لازعــلـتـي مـات قــلـبـي مابـقـى الا أقـبــره

رضـاك هـمـّي والسّـعاده والعـلاج لعـلـتي

جـيـت اقـدّم اعـتـــذاري في قـصـيـدٍ انـثــره

مـابــي الا تـسـمـعـيـني باانتـباه وتسكـتي

انتي روح الرّوح فـيـني والغــلا لك اكـثـره

وانتي اوّل وانتي آخر حب يسكن مهجتي

لاتــزيـديـنـي مواجــع يـكـفـي ليلي اسهره

لين نور الصّبح يطرد كل ظلمه فـدنـيـتي

مابقى فـيـنـي قصـايد كل مـافي الـمـحـبـره

اندفق لك فوق صفحات البياض براحتي

اخذي قلبي وافـتحيه وشــوفـي اللي يسـتره

كل هـم ٍ كل حـزن ٍ كل جـــرح ٍ تـنـحـتـي

وانظري في وسط عيني كل دمعه مكسـّـره

انظري لحالي بـدونـك ماتـســرّك حـالتي

كل ســـاعـه اتــردد يـــم ذيــك الـمـنـظـَــره

اتعبّـر واتنهّت لا اعـكـست لـي صـورتي

يالحـبـيـبـه الا حبك / مابي قلبي يخسره

لجل عيني اضحكي لي ثمّ ردّي بـسـمتي

ابـتـديـنـي واجـعـلـيـنـي حـب يـبـدا بْمَغفره

وانتي وَرده من خـفوقي ترتوين وتنبتي

من أوّل لقا جاني

من أوّل لـقــا جــاني يودّعـني بـيـغـيـب اســـبــوع

وهـلـّت دمعـتي مـنـي واقـول الـهـم لـي جــاني

من اوّلها بدا حزني وقـلـبي في الـهـــوى مـوجـوع

الا ياحـبــي الأوّل / تـرانـي فـيـــــــك نـدمـاني

والا ياحظي النـّحـس وفي دربي صـرت لي مزروع

وانا تـوّي في درب الحب ابي أمشي ولا امداني

احَسْب ان صاحبي صادق واثاريه في الهوى دلّوع

يـبـي يـلـعـب بِإحـسـاسي ويـتـفـنـّـن بِأحـــزاني

يبي يزعـل يبي يرضى يـبي صـوته فـقـط مسمـوع

يـبـي يـرحـل يـبـي يـرجـع ويـذكـرني وينسـاني

يـبـي قلبـي عـلى كـيـفـه يـبـي يـكـتب عليه ممنوع

هــنــا حــزن ٍ فـقـط يـكـفي ولا غيره أحد ثـاني

ابد مااذكر سـواه احـدٍ عـطـيـته في الـحـشـا ينـبوع

وصـبـّـيـت الغـلا كلـّه من اجـله وسـط فـنـجاني

الله ياقلبٍ سكن صدري ورى هاك الثمان اضـلــوع

من اوّل لحظةٍ تلقى ثلاث جْــروح مـن شــــاني

الا يــاحـبـّـي الأوّل ابــشـعــل لك ثـــلاث شْــمــوع

واحــاول انـســى أحــزانك وابيك اليوم تنساني

أبــد , لاتـفـتـكـر بَعْتب عليك , والـعـتـَب مـمـنـوع

تـرى لـومــاســلا قـلـبـي يـجـي لك يوم تسلاني

ولا تـحـلــم ابـد يـومٍ أجــي لك مـنـكـسـر بـخـضوع

انا شــانـي كـبـيـر عـنـدي وعزّة نفسي عنواني

ترى مادشّت فْراسي

:[

.

.

انا مسـتغـرب البسمه ومسـتغـرب تنـاديني

انا ماني تـرى مـصـدّق تـجـي لـي طـالـبٍ ودّي

ترى ماني انا مصدّق عقب غيبتك بتجـيني

ياهيه ماهوب على كيفك تجيني عقب ماتْصدّي

انا طبعي كذا قاسي واخــلـّـي من يخلـّـيـني

أخـلـّـي مـن يخـلـّـيـني واحـب اللي شـبـك يـدّي

انا مانيب على كـيـفـك تقـلـّـب في موازيني

تجـــرّحــنـي تـداويـنـي وتـرخـي الحبل وتْشدّي

الا ياصـاحـبـي روّح هــذاك اوّل تسـلـّـيـني

وتـروى عـيـنـي بـشـوفك وتـظـما كل ماتـْعـدّي

ترى مانيب على خبرك تـألّمني وتــدمـيـني

فـمـان الله فـمـان الله تـرانــي واصـل ٍ حـــــدّي

أبيك تروح في حالك وانا فْحالي تـخـلـّـيـنـي

تـلاقـي لك حـبـيـب آخر بــدالي عـنــدك يْسـدّي

انا مستغرب الجـيـه وش اللي ذكـّـرك فـيـني

تــرى مـادشـّـت فـْــراسي تـجـيـنـي طالبٍ ودّي

أحلى من التّوت

بعـدك عـذاب وقـربك احلى من التّوت

ليه الجفا والصّـد لـيـه القـطـاعه

قربـك عـلاجي والجـفـا منـك لي موت

يعني هنا خلـّك ولا تغيب ســاعه

مادمت احـبـك قـبل فرصتـنـا تـْـفـــوت

ومادامني شربت حـبّـك رضــاعه

قـبـــل تـرد الـروح في حـزن مكـبـوت

يحي ويضيق الكون بعد اتـساعه

كـم واحـدٍ من غـــدر الايـّـام مبهـــوت

وجاله قضاه يوم شاف الخــداعه

تعال واسمع داخل القـلب فـيـه صـوت

صوت الذي حبّك وزدت التيــاعه

حيل الله اقوى لو غـدى القـلب تـابـوت

والحـب مـيـّـت مالحــقـنا وداعـه

يامـنــوة العـــاشـق ويانـغـمـة النـّـوت

ماعـند قـلـبـي للفـراق اسـتطاعه

خلنا سوى دام الفراق اصبـح الـمــوت

لـيـه الجـفـا والصّـد لـيه القطاعه

نور العيون

مانسيـتـك ياحبيبي حتى لو جــاني جـنــون

تبقى اللي في خفوقي غـالي ٍ وانت الحـبيب

والله اني مانـسـيـتـك لا ولا عـنـدي تــهــون

انت عايش في فؤادي يعني من عيني قريب

أنت أغلى حب عندي لو نسيتك كيف اكون

بين هـالـعـالـم بـدونـك كـنـّي انسان ٍ غريب

مالي احـدٍ غـيرك انت انت يـانـور العـيــون

أنت قلبي وانت نبضه وانت جرحه والطبيب

انت كلـّي وانت من هـو بيـن هالعالم تمــون

ميّـتٍ أنـا بـوصـلك كـيـف لـو عـنـّـك أغـيـب

ماتشوف العين غيرك مرتفع والنـّــاس دون

ياعديل الروح صدّق الكذب في الحـب عـيب

يعني انت اللي بحـبـه حدّ عـقـلي للجــــنـون

واختلط حبك بــروحي كيف اعـافـك يالحبيب

انت رايه

زوّاري الكرام , أنا عضو في منتديات مدينة العيون وقرأت قصيدة للشاعر

.

فيصل بن سعود الربيّع الزعبي [ الفيصل ]

.

وهي بعنوان [ ابشر بفرقاي ]

.

أقتطف منها بعض الأبيات لأمتعكم بقراءتها .

.

كانك تبي فرقاي فابشر بـفــرقــاي

لو كنت كل مْـناي والا رجــــايه

خلّك على كيفك وانا عارف خْطاي

وعارف نفاقك والكذب والدعايه

.

.

فقلت كلمة [ صح لسانك ] قليله

.

وأحببت أن أقوم بالرد على القصيده بقصيدتي المتواضعه التي تحمل عنوان

.

[ أنت رايه ] أترككم مع القصيدة وأتمنى أن تنال على رضاكم .

.

لاهنت يافيصل ولا هـان شــرواي

ولا هـان من يـقـرا كـتـابي ورايا

صح الله لسـانـك وانـا امـد يـمـنـاي

واقول تسلم من جـمـيـع الخـطايا

غنّيت لحنك ثم وصّـلـت شـــكـواي

للجــاهـل اللي مايحَـسْـن النـوايا

ماهوب كفو خوّتك وبْيــالة الشـّـاي

ولا يـقـلــّـط مجــلـس ٍ فـيــه آيـه

يومه منافق في قفا النّاس حـــكـّـاي

احــذر غــروره لو يجـيب الهدايا

جنّب طريقه لانظرته وهو جــــاي

خـلـّه يعرف ان لك قـرار ٍ وغايه

وانا ادري انّك ياابن الاجواد نسّاي

قـلـبك كبير وللعـفـــو انت رايــه

ادمعت عين المشاعر

من عقب جرحٍ بقلبي داميٍ عـشـرين عام

ادمعت عين المشاعر في خـفـوق صْويحبي

جا يدوّر بي غـلاه بين كـتــلات الحـطــام

جا يـبـي قـلـبي وحــبـي جـا يبي مني اتعبي

جا بعد صـدٍ طويــلٍ جا يــبي مني الغــرام

مااتوقّع له طلب عندي بعــد رفـض اطـلـبـي

من بعـد ماســاق فـيني المآسي والـهـيـام

انكسر ظـهـره وجـــاني ذلْ نـفـسـه يْـحــبـي

كان قاسي في جـفاه وكان جوّه لي عـسام

وكنت احبه [ ل ] الجنون من وانا توّي صبي

كان غلطه في حياتي عـشـتها به في ظلام

وكنت اظمه في عيوني واسـتـظله بـهــدبـي

كان نارٍ في خفــوقي عـايـشٍ فـيني بسلام

وكنت له بسمه وراحه وكيف ماكون و يبي

يانـجــوم الصبح روحي خبّــريه مني كلام

قـــولـي انه صــار عادي لايفـكـّـرني غـبــي

قولي اني من نسيته تِسْع مَع عَـشر ٍ وعام

قولي انسى حب صالح مات حـّبـك واتـهـبـي