:[
.
.
انا مسـتغـرب البسمه ومسـتغـرب تنـاديني
انا ماني تـرى مـصـدّق تـجـي لـي طـالـبٍ ودّي
ترى ماني انا مصدّق عقب غيبتك بتجـيني
ياهيه ماهوب على كيفك تجيني عقب ماتْصدّي
انا طبعي كذا قاسي واخــلـّـي من يخلـّـيـني
أخـلـّـي مـن يخـلـّـيـني واحـب اللي شـبـك يـدّي
انا مانيب على كـيـفـك تقـلـّـب في موازيني
تجـــرّحــنـي تـداويـنـي وتـرخـي الحبل وتْشدّي
الا ياصـاحـبـي روّح هــذاك اوّل تسـلـّـيـني
وتـروى عـيـنـي بـشـوفك وتـظـما كل ماتـْعـدّي
ترى مانيب على خبرك تـألّمني وتــدمـيـني
فـمـان الله فـمـان الله تـرانــي واصـل ٍ حـــــدّي
أبيك تروح في حالك وانا فْحالي تـخـلـّـيـنـي
تـلاقـي لك حـبـيـب آخر بــدالي عـنــدك يْسـدّي
انا مستغرب الجـيـه وش اللي ذكـّـرك فـيـني
تــرى مـادشـّـت فـْــراسي تـجـيـنـي طالبٍ ودّي
ليست هناك تعليقات:
إرسال تعليق