ذيب ياللي مالقينا له خلف

هذه القصيده قلتها في الشاعر ذيب القباني السهلي الله يرحمه ويسكنه فسيح جنانه إن شاء الله

/

/

ذيـب يـالـلي مـالـقـيـنـا لـك خــلـف

مالـقــيــنــا من يـشـابـهــك الـفـعـل

ذيب يـاللي راحـت اشـبـاهـك تـلـف

أشـهـد ان مـوتـتـك أفـنت كل رجــل

الـمـروّه فـعـل مـاضـي قــد ســلــف

والـكـرم والـجـود من عـقبك سـمـل

الرجــــال كـْـثــار لـكـن تـخـتـلـف

بالـمـراجــل / والـرزانـه / والعـقـل

ذيب / من هـو غـيـرك اللي يتـّصف

بالأمـانـه / والـشكاله / والـنـُّبــــل

مـابـه احـدٍ / لك شـبـيـهٍ / لـلأسـف

كود بـيـرق رفـرف بـراس الجـبــــل

إحـتـرامـاً لـك وتـقـــــــديـراً / أقـف

يـارفـيــع الشـّـــان عـنــدي لم تـَزَل

تصميم / مثل الورد

مثل الوَرد في حبك / ...أموت من العَطَش واذبل
إلى من غبت عن عيني
/
عليك الله . . وامان الله
مابيك تْصد أو ترحل . . أمانه لاتخلّيني

الا ياقلبي المغرم

عـلامـك ياخـفـوقي لابغـيت انسى الـذي عـذ ّبـك تعـصـيـني

عـلامـك بـاقـي تحـبـه / وتـنـبـض به / وجرحـك باقي ٍ دامـي

عـلامـك يـاخـفـوقي ماتــبـي تـسـمـع كلامي فـيه / يكفـيني

سـهـر لـيـــــل / وغـرابـيـل / وشــقا / وجــروح / وآلامــي

عـلامـك ماكفاك الـهـم ولا جـروحـك ولا حـزن ٍ سـكـن فيني

انا من زود مـافـيـني / سبب عـشـقك / اصـارع قـسوة ايّامي

الا ياقلبي المغــرم سـبـب عـشـقـك عـيـون الكـون تـبـكـيني

سبب عـشـقـك انـا أبـكـي / انا اتألّم / واشـوف الموت قدّامي

انا العاشق / انا اللي من سهام الهـم زماني صـار يـرمـيـني

وسبب عـشـقـك على لحن الفراق أعزف وتتشرّد بي احـلامي

الا ليتك تطاوعني وتريّحني قبل يقسى زمان الحب وينهيني

وتتبدّل حياة اللي سبب عشقك أسير [ ف ] سجن الاوهامي

على كف الحزن أمشي

عـلى كف الحـزن أمشي وهـمّي صـار يتـبعـني

يخــاويـنـي عـلـى دربـك الـيـن الـقـــاك قـدّامي

انــا مـدري مـتـى قـلـبـك بـيـهــوانـي ويـرفعني

وتـداريـني / وتـدللـنـي / وتـتبـسّـم لي ايّـامي

وتتـفـتـّح ورود الحب واسـولف لك وتسمـعـني

واحس الكون صافي لي ويبرى جرحي الدّامي

وأهـنـا بـك بـعـد فـتـره بـهـا أصـبـحـت قاطعني

وانا بـاقـي على عهدك واشـوفك دوم باحلامي

الا لـيـتـك بـعـد أذنـك ولـو لحـــظه تـطـالـعـنـي

لـعـل تـحـس فـي جـرحي / وآهــاتي / وآلامي

الا لـيـتـك تـجـي يـمّي الا لـيـتـك تـطـــاوعـنـي

تـبـادلـنـي الـغــلا سـاعه تريّحـني من اوهـامي

الا لـيـت الـزمـن يـرجـع وراه وفـيـك يجـمعـني

وتـتـحـقـق لـي احـلامي واشوفـك صدق قدّامي

بعض النساء

بعض النساء نسـوان مثـل الخـلاوي

وبعض النساء عنـّك يشيلن الاحـزان

الاولــــه هــم ٍ وحـــــزن وشــقــاوي

صـجـّـاجـه لـجّـاجـه لـهـا طـولة لسان

لاجـيـت بـيـتـك كـنـّـك بـوسط شاوي

وخصوص الى من جيت للبيت تعبان

لا من غــداء تـعـمـل ولا مـن قهاوي

عـلـيـك دايـم تـدّعـي بـكـل نـقـصـــان

هـمـهـا تـجـيـب الـهــم من كل ماوي

في الليل جنّيه وفي الصـبـح شـيطان

لاشـفـتـهـا كـنـهـا الـقـَهـَر والبـلاوي

عـلـيـك تـفـتـح للمـصـيـبات بيبــــان

والثــانـيـه كـنـهـا الطـبـيـب المداوي

لاسـولفـت تطـرب سـواليـفها الحـان

والى اقـبـلـت كـنـها قـمر ليل ضاوي

تـفـرحـك بالـطــله على كل الاحـيــان

بها الحـسـن والـزّين فـيـها متساوي

متـمـيّـزه كـنـهـا مـهـا بـيـن غـــزلان

يجي منك أكثر

يـاصـاحـبـي اتـسـاءل شْـلـون يـقـْدَر

يـدعـيـك قـلـبـك تـجــرح اللي يـودّك

شـتـتـنـي واحـتـرت كـيـف اتـصـــوّر

أحـط نـفـسـي فـي مـكـانـك واضــدّك

قـبـل امـس لامـنـّـك خَـطـيـت اتـّعَـذ ّر

والـيـوم اشـوفـه زايـد الـكـره حـــدّك

بـ اسـألك انـا بـالله / شـاللـي تـغـيـّـر

بـدّلـت وصـلـك يـاحـبـيـبـي بـصــدّك

خـلـّيت دمعي وسط عـيني يْـتـكـَسـّـر

جـرحـتـنـي جــرح ٍ خـطـيـر ٍ بـيَـــدّك

دامـي بـوسـط الـقـلـب كل يـوم يكبـر

وارخـصـت حـبّـي بـيّـن اليـوم جــدّك

مشـكـور يـالـغـالـي يـجـي منـك أكثـر

ماكـنـت اظـنـك تـجـــرح اللي يــودّك

بليا احساس محبوبي

يقول اللي هـوى بـاله ذبح قـلبه بليـا سـلاح

بليـا احساس محبوبي / أحبه وهـو ناسيني

حبيبي زاد في همّي وزوّد في حشاي جـراح

وانا اللي حيل حبّيته وهـو بصـدّه مجـازيني

احبه لي ثـمان سنين انا اشهد الهـوى ذبّـاح

ذبح قـلبي هوى خلّي وضاعت لجـله سنيني

عطيته قلبي وحبي وخـلاّ لي الشـقا وارتـاح

ينام الليـل يـهـنـا به ونـومي تطـرده عـيـني

سحر قلبي واخـذ عقلي ودونه دنيتي أشباح

حبيبي في المـلا محـدٍ سـواه اللي يسلـّـيـني

قولو له ياملا يكـفي كـفاني عمري اللي راح

حـرام يـزيـد في هـمّي يجـيـني لا يـخـلـّيـني

أعـيـش فـدنيتي دونه كما طير ٍ كسير جناح

تراني مااحـتـمـل صـدّه ونـار البعـد تكـويني

لاتعاتبني دخيلك

لاتـجـيـنـي لاتشـرّه .. لا تـعاتـبـني دخـيــلـك

لاتعاتـب مايـفـيـدك كل [ ابو ] هـذا العـتـاب

كنت أوّل حب عـنـدي / كان قلبي . ينتمي لك

كنت أوّل من سَألـْك ومالـقـى عـنـدك جــواب

كنت غالي حيل عـنـدي / تزهَم لْقلبي يجـيـلك

كنت اموت اليا زَعلت وجبت لي سيرة غياب

كنت اشارك معك حزْنِك كنت في فرْحِك عديلك

كنت نور العين عندي / كنت لي حلم الشباب

مير حـبّـك انـتها بي وانـتهـت قـصّة رحـيـلـك

انـتـهـت رحــــلة غــرام ٍ كل مـافـيـهـا عَـذاب

لاتـظـن انـي ذلـيـل ٍ بــاقـي ٍ عــابـر سـبـيـلـك

قـلـبي اللي جـنّ لجـلك صـام عـن حبـك وتاب

انتـهـيـت من حـيـــاتي ابـتـعـد عـنّي دخـيـلـك

صرت عندي انسان عادي دون حبّات التـّراب

تمهّل قبل لاتبعد

تمهّل قبل لاتبعد .. وخذ حزنـك معك ياصاح

وخذ هـمّـك وخذ جرحـك وخذ كل التعـب مني

تعبت اكذب على نفسي واقول اني انا مرتاح

واقول ان الأمل بــاقي وانا ماعـشـت متهنـّي

تعبت اقول انا طيّب / وانا قـلبي كثير جراح

ترى ماعدت أتحـمّـل أجـيـك وتـبـتـعـد عـنـي

ماأنكر ان لنا ايّام ٍ قضيناها .. حزن وافراح

ولا أنـكـر ابـد أنـك تجـيـنـي بـشـوق متعنـّـي

ولكن مايـفـيـد الحـب وقـلبـك نـاكـر ٍ مـاراح

تناسيت الـذي لجـلـك يـجـر الصّـوت ويغنـّي

تناسيت الذي حبك وحزنـك قـد كساه وطـاح

وعلى هامش بقايا الحب اخذته حب متـدنّي

تمهّـل قـبـل لاتـبـعـد وحـررنـي أبـي أرتــاح

اخذ همّك واخذ جرحك واخذ كل الحزن منّي

رغم جورالحزن فيني

رغـم جـور الحـزن فـيني / ماشكيت

ورغم جرحي / مااذكر عيوني بكت

لجـل اشوفه / في عــذابه لي رضيت

وقـلبي اللي صاح من عـقـبـه سكت

ماندمت و/ صابــــر و ماقـلـت / ليت

اغـلـق افـواه المــواجـع / لااشـتكت

ماجـا يــوم ٍ لجـــــل نـسـيـانـه نـويـت

نـيـّـتـي / لامن طـرا لـي / ابـركـت

والله انـــي فـي غــرامـــه مـاارتــويت

وكل هـمـومـي وسط قلبي / تْشابكت

ولـو اسـولـف حـدّ بـكــره ماانـتـهـيـت

ولـو / هـمومي تعرف تسولف حكت

صـدّقـــونـي صـِـدق واللـه مـاحَـكـيـت

رغمها لي [ ف ] حبها غيري اشْركَت

ورغـم جـور الحــزن فـيـني ماشـكيـت

ورغم جـرحـي مااذكـر عـيـوني بكت

حبيبي لايهمّونك

حـبـيـبـي لايهـمّـونك / أنا ماعيش من دونك

تـراني حـيـل مجنـونـك / حـيـاتي كلها تفداك

انا كلي فــدا عـيـنـك / وانـا دايـم عـلـى دينك

واعادي كل معادينك / وْأهوى كل من يهواك

حبيبي أنت والـغـالي / حـيـاتي وكل آمــالـي

ولا غيرك على بالي / ولا اقـدر للأبـد أنساك

اسمع صدا قلبي

هذا الشعر / نبض ٍ على الطرس مصفوف

يـاتـي كـذا , قصّه / [ ب ] أجـمـل معـاني

مـرّه يـجـي راحـه / ومرّه يـجـي خـــوف

ومـرّه يـجـــيـنـي عـانــي ٍ فـي مـكـــــانـي

يـاصـاحـبـي تـعـال واسـمع هـنـا وشــوف

اسـمـع صـدا قـلـبـي بـوسـط الـمـحــــانـي

دقــّــات قـــلـبـي كـنـها [ لـمـّـة حــروف ]

تـشـكـّـلـت منها قـصـيـده [ ف ] ثـــواني

يـاصـاحـبـي مـلـّـيت انا كلمة [ ظــروف ]

مـايـوم حـسّـيـتـك أبــد فـي زمـــــــــــاني

من يوم شـفـتـك واصـبـح القـلب ملهــوف

ميّـت عَـطـَـش محـروم شوفك / يـعـــانـي

يـالـيـت قـلـبــك يـوم مـن عـمـرك يـــروف

يـنـهـي مـعــــانــــاتـي وكل الأمـــــــانــي

ونـبـــدا هـــوانــا دون أعـــذار وحــلـــوف

دام الـمـحـبـه فـي الـنـّــواظــر تــبــــــاني

نحلم ونرســم للهوى وجـيـه و [ طيوف ]

ونـلــــــوّن احــــلام الـهـــوى بـالأغــانـي

يـاصـاحـبـي يـامــاخـــذ العــقـل والشّـوف

يـامـاخـذٍ فـي [ وسـط ] قـلـبـي مـكـــانـي

لـيـتـك تـجـيـنـي تـبـصـر عـيـون مكفـوف

واعـيـش مـعـك الـحـب أجـمــل مـعـــــاني