؟
شفت الموت / يترنّح / وينظـر لي / وجـاني المـوت
وانا مصدّق / ولا مْصدّق / شبيه الموت / ينظر لي
جلس يهمس / مع جاره / وانا جالس بوجه الصّوت
وسمعت اللي هـمـس عـني / لأن الصّوت ياصــل لي
أحس الدنـيـا مبـتـسـمه , ومـلـيـانه فـَرَح ألــوان
أحس انها إلى شفتك , تـزين الـدنـيـا / في عـيني
واحس الهم الى شفتك .. يذوب بداخل الـوجـدان
سواة النّور , لي وصلك.. يشق الظلمه , يحييني
والى من غبت عن عيني , أحس بـداخـلي نـيران
أحـس انـي مع العــالــم , ولـكـن أنت معــمـيـــنـي
أشوف النّاس في رسمك , وانــادي لك أنا تعـبـان
أنــا تـعـبــان يـاخــلـي / أمــانـه لا ... تـخـلـّـيـنـي
أبيك تكـون في قـلـبي / ولا ترحـل / مع الـنسـيان
أبي لااشتقت / أنا لشوفـك / أحسّك / في شراييني
ياروح الرّوح / ريّحني / تعب قلبي / من الأحزان
ترى دونـك / كثـيـرالهـم / متعّـبـني / ومشـقـيـني
دخيلك / ياأمل عمري / ولا تقطع / رجــا الحيران
أنا مالي سـواك احدٍ / ولجـلك / ضاعـن سْـنـيـنـي
تـعـال وخـلّ هـالدنيا / تـْـزَيّن / بالفــرَح / ألــوان
احس اني / الى شفتك / تزين الدّنيا / في عـيـنـي
,,,,,,,,,,
عشر سْـنواتٍ كـنـّها في العيـن / ساعه
ماامتلت عيني نظر ,, وْلا ارتوَت / دمع ٍ يسيل
ضاع عمري , في هواه / حزن وقطاعه
وصـارت ايّـامي / يـتـيـمه / كلها ليـل ٍ في ليـل
,,,,,,,,,,
ليست هناك تعليقات:
إرسال تعليق