لاغبت عني / زاد شوقي لشوفك
ولا شفت زولك زاد فيني لك الشّوق
لاتبتعد . لاتعتذر لي [ ظـروفك ]
[ حالي ] بدونــك مايسر أي مخلوق
لاغبت عني عشت في ظل خوفك
دمعي يهـل .. ويحرق الخدّ والموق
واهيم واسرح بك وادوّن حروفك واكتب قصيدي فيك والقلب محروق
واموت واحيا وماتملني طيــوفك
انا اشهد انّك سـقتني في الهوى سوق
لاتجرح احساسي ويبطي عزوفك
خلّك رقيق .. وكلك احساسٍ وذوق
وقلّي متى ؟ بيحن قلبك ولوفك
وعطني وعد عاشق وصادق وموثوق
ليست هناك تعليقات:
إرسال تعليق