حبيبي طالت الغيبه وزادت قسوة اقدارك
ثلاث سنين من عمري في هم ٍ عشتها دونك
حرام انك تخليني ولا تاصلني اخبارك
وانا مشتاق اسمع لك واحط عيوني بعيونك
انا مااقوى على صدك ولا همك ولا نارك
ترى شوفتك تسعدني على هونك على هونك
ترى يكفي ثلاث سنين ولا اشوفك وانا جارك
ولا مره ولو صدفه تعب قلبي من حرزونك
انا ماكنت متوقع بتسقيني من امرارك
ولا مرت على بالي بصير اليوم مفتونك
حبيبي يابعد كلي هنا قلبي وهو دارك
هنا حبك مع روحي بوسط انسان مجنونك
تعال اسكن هنا فيني ترى مليت مشوارك
وكل اللي تبي سوّه انا كلي فدا طعونك
حبيبي تدري بشي ٍ خفيته عنك مازارك
[ ف ] صدري خايف ٍ منّك تشوفه يوم بعيونك
أحبك حب أعماني ورددني على دارك
ابي شوفك ابي اسأل .. حبيبي انت وشلونك
https://acemkt.blogspot.com/2019/12/blog-post_22.html?m=1
ردحذف