تعالي نـرســم البسمه ونجـعـل حـبـنـا باالـوان
تعالي من حزن قلبي الى الأفراح ودّيني
تعالي واسكبي دمعك على جرحي ترى عطشان
أنا ميّت ظما عقبك ابيك تجين تسقيني
تعالي نزرع الفستق ونقطف وردة الرمان
عليه طوّل غيابك أمانه لاتخليني
تعالي ياشفا قلبي وجودك يبعد الاحزان
انا مااقوى على الفرقى ذبحتيني ذبحتيني
تعالي لملمي جروحي وحطّي للقا عنوان
وخلّي فرحتي تكمل وأخذيني وظميني
تعالي من وطن صدّك ترى لك في الحشا أوطان
تعالي نوّري قلبي تعالي واسكني فيني
تعالي كمّلي لوحه بدونك لونها ذبلان
تعالي وامسحي دمعي بشوفك تهتني عيني
أنا مالي سواك احدٍ يتيم الأهل والخلان
تعالي يابعد عمري جريحٍ منك داويني
تعالي واعزفي لحنك على قلبي انا ولهان
تعالي واقصدي فيني وغني لي وغنيني
نحل حالي نحل جسمي تعب قلبي من الهجران
واذا ماانتي مصدقتني تعالي لي وشوفيني
وحيدٍ جالس لحالي وحولي اربعة جدران
أفكر بك واهوجس بك مع الأحلام تاتيني
تعالي نرسم البسمه على وجه القمر لابان
وخلّي حبنا يسطع ويشعر به ملاييني
ليست هناك تعليقات:
إرسال تعليق