.
يامحمد / اسمع واعـتبر فـي وصـاتـي
وصـيـتـي لك قـبــل يــاتي مـمــاتي
خـلـّك حـبـيـّب عـنـد كـل الـمـخـالـيــق
ولا تـخـاوي من هــوى المشـكلاتي
ولا تـْصـاحـب من عـلى النـاس يحتال
ســرقـــة عـبــاد الله عـنده هــواتي
ولا كـــذوب / مْحــرّفٍ للــكــــــلامـي
يـنـقـل سـوالـف كلــهـا مـــزوّراتي
ولا كـســول / مْـكـبـر ٍ للـوســــــــاده
مْضـيّع حـيــاته كلـهـا بـالـمـبـــاتـي
ولا بـغـيـض ٍ / عـند خلق الله مكروه
يـبـيـع ويـشـري مـدمـن مْخــدراتي
واعرف [ خويك ] من قبل لاتخاويه
ولا تـســرّع في أمــور الـحـيـــاتـي
وخـاو الـرجـــل اللـي الـى قـال يـفعل
مايخـلـف بْهـرجـه صـدوق ٍ سواتي
ومجلسك خل بابه على طول مفتـوح
لااهـل العـلـوم الغـانـمـه الطيّـباتـي
وعين الفقير وساعـد الناس بالخيـر
ياجـرك ربي في عـمـلـك حْـسـنـاتي
واطـلق يمينك يـرزقـك عـالم الغـيـب
ولا اعطيت لاتـهـتـم وشـلون ياتـي
مْـقـسّـم الأرزاق سـبـحـــــــــانـه الله
رافـع بــلا عـمـدان سـبـع سْمواتـي
ولا اسمعت صوت المذّن اللي ينـادي
أدْ الصــلاة ولا تـخـلـّي الـزكــــاتـي
مع الجماعه صــلْ خمس الفـرايـض
حــذراك تـلـهـى عـن أداء الصلاتـي
ولا تهمل صْيامك في شهر رْمضاني
تـرى العـمـر يطـوي ورايـح فواتـي
وخلّك على عـشر الأواخر حـريصي
أجـرك فـيـهـا عـشـرة مـضـاعـفاتي
ودّي أشــوفــك رافــع ٍ فــوق راسـي
رجـل ٍ حكيـم وفـيــك كل الصـفـاتـي
وهــذا الـــذي يامحـمـد اللي بغـيـتـه
تـاخـذ وصـاتي قـبـل يــاتي مـماتي
ليست هناك تعليقات:
إرسال تعليق