محطة عذابك

باابقى على حبك ولا يمـكن انساك

.
حتى ولو عني يطول غيابك

.
مادمت احبك ياهوى البال واهواك

.
والله لا اصبر في محطة عذابك

.
بااصبر على نار الهجر واتحراك

.
على الأمل بابقى وبحسب حسابك

.
لابد ماترجع في يومٍ وبلقاك

.
ويرتاح بالي حينها باللقا بك

.
أدري تبي غيري وغيري له اغواك

.
صوّر لك الحب الحقيقي وصابك

.
غـرّك جماله ياحبيبي ولهّاك

.
عنّي وباع الحب لك واشترا بك

.
عقب الموده بيننا والهوى ذاك

.
واحلا ليالي غيري اللي اهتنا بك

.
ادري تحبه لين حبك له اعماك

.
وخلاّك تنساني وتفقد صوابك

.
وشلون مـدري كيف ؟ ياصاح خلاك

.
تهواه وتقدر دوني تـْصك بابك

.
لكن تأكد يافـتى يوم ينساك

.
بترجع تدورني فمحطة عذابك