من قــال ماحـبـّـك ومن قـال مابيك
قـصــده يـفـرّق شـملنا ياغناتي
وشـلـون ماحْـبـّـك وانــا ميّتٍ فـيــك
واموت في حْبّك ولَو هو مِمَاتي
بالعكس احبك يامنى الروح واغليك
وغلاك في قلبي تعــدّى غـلاتي
وانت الحبيب اللي الى حلّ طــاريــك
يفزّ قلبي قـبـل تــقـبـَـل وتــاتــي
حـبـي لك اكبـر من محـبـة أهــالـيـك
حـبٍ من الله نــابـتٍ لـك بـذاتـي
أفديك انــا بـحــــالي ومالي انا افديك
ولو العمر يهْدَى هَديتك حـيـاتي
ليست هناك تعليقات:
إرسال تعليق