ياصاحبي وشلون خاب الرجا فيك
خـيـّـبـت ظـــنّي والقــلـم والكتــابه
في كل يوم تبيع فيني وانا اشـريك
لـوّنـت عـمـري بـالحـــزن والكآبه
حطـّمـت قـلـبي بالزعل مع تغلّـيـك
وفـيـنـي قــديـم الحــزن جدّد ثـيـابه
بكّيـتـني وسهّـرت عـيـني ليـــاليــك
وانا احسب انّك لي سواة السحابه
تمطر غـــــلا وتـريّح فــواد مغـليـك
أثرك عـديم احساس قـلبـك خـرابه
تاخـذ ولا تـعـطي وانا دايم اعـطـيـك
ياكثر ماخــذتــه ولا احــدٍ درا بــه
من زود حـبـي فـي خـيـالي أنــاديــك
وقــلـبي عـلـى شـانـك تعــوّد عذابه
ومن زود ماحـبـّـك الى حل طــاريــك
أفــزّ من نــومـي أرحّـب هــــــلا به
ولو اني بـعـيــدٍ وتـــزهــم لي آجـيك
أجـيـك في عـزّ وشـمـوخ ومهـابـه
ولـو تـطـلـب عـيـوني انا بكلي افديك
يافــرحـة ايّـامي وصـوت الـربـابه
يامــاخــذٍ عــقـلي وقـلبي وانا اغليك
وش ذنب قـلـبي يـوم ياخـذ عـقابه
شـكــواي لله يــوم خــاب الرجا فـيك
وبكّـيـت عـيـني والقــلم والكـتـابه
ليست هناك تعليقات:
إرسال تعليق