كلك جزاله ولا تهون

هذه القصيده كتبتها أمتدح بها الشاعر العلم عبدالرحمن بن عيسى الغريب
وأنا أعلم بأن قصيدتي لن توفيه حقه ولكن أحببت أن أطرحها هنا بين أيديكم متمنياً أن تنال استحسان الجميع .

؟

شاعر ولك شعرك يجي بالإشــــارة

شعـرك جـزل كلك جزاله ولا تهون

ياقـــدوة الشـعـّـار راس الـمـنــــاره

أسـمح لي كلـمه قـلتها فيك مجنون

لك حرفـنـه في الشـعــر ويّا إثـــاره

طوّعت قاف الشعر باللين والهـون

اللــيـــل شـعـر وأنـت فـيـه الإنــاره

زدت الشـعـر نغـمه وطعم ٍ مع لون

بنيت من شـعـرك ثـقــافه وحضـاره

ودقـّـيـت عيـنٍ منّها النّاس يروون

خذت العــلامـه بامتـيـاز وجـــــداره

ورسمت دربٍ فيه الاجـواد يمشون

من التواضع مركـزك في الصـــداره

يامنبع الإحساس والنـّـاس يـدرون

ان الكــرم عــلـّم عـليـك بـْـإشــــاره

جعلك في دار العزّ ياشـيخ مسجون

ياقـلـب يـاطـيـّـب كـسـتـه الطـهـاره

لـولاك والله ماانـوجــدنـا ولا نكون

هــنـي مـن دارك تـلاصـق بـــــداره

وهني منهم صــوب دارك يمــرون

لي الشّـرف لاجـيـت يمـّـــك زيــاره

واكبر فـخـر للـي يـتغـنـّاك بلحـون

حــديـث نبـضك زايـد ٍ فــي الغـزاره

ياللي بشعرك ملهم قـلـوب وعيون

حتى لقــديــم الشـعـر عـندك حراره

شعرك جزل كلك جــزاله ولا تهون