الا يــاقـلـب لاتـبـكي كـفــاني احـتـــرق واذوب
وش اللي يجبرك تبكي وانا اللي احترق كلّي
انا ادري الهــوى نــارٍ ولكــن كل شي باسلوب
أمانه لاتهــل دمـعه عـلـى شــاني لجـل خلّي
تبي شوري ترى همي عليه في الهوى مكتوب
أقاسي لوعة الفــرقى واكفكف دمعي لاهـلّي
أخاوي الليل مع حزني وتواجهني كثير دروب
وكل دربٍ انا امشي به بثوب الحزن متحلّي
انا ودّي ولا ودّي الــى من اعـتـــزل واتــــوب
من اللي سـمّـني حبه وعـليه صــار متغلـّي
أدوّر راحـتـي وابـعـد واغـني للهوى مسحوب
ولا أسمح ابـد للحـب يـوسّــدني عـلى ذلـّي
ليست هناك تعليقات:
إرسال تعليق